کرونا وائرس کی ویکسین عوام کو مفت فراہم کی جائے گی، نوشین حامد

اسلام آباد : پارلیمانی سیکریٹری صحت نوشین حامد کہتی ہیں کہ کرونا وائرس کی ویکسین عوام کو مفت فراہم کی جائے گی۔

’نجی ٹی وی چینل کے مارننگ شو میں گفتگو کرتے ہوئے پارلیمانی سیکریٹری صحت نوشین حامد کا کہنا ہے کہ کرونا ویکسین کے لیے حکومت فنڈ اکٹھے کر رہی ہے۔

انہوں نے مزید بتایا کہ 2021ء کی دوسری سہ ماہی میں کرونا وائرس کی یہ ویکسین لگانا شروع کر دیں گے۔ پارلیمانی سیکریٹری صحت نے کہا کہ وباء کے شروع میں ایک لیبارٹری تھی، اب 150 سے زائد لیبارٹریز ہیں۔

نوشین حامد کا مزید کہنا ہے کہ بیڈز اور وینٹی لیٹرز کی تعداد بڑھائی گئی تھی، وینٹی لیٹرز سے زیادہ ضرورت آکسیجن بیڈ کی ہے۔پارلیمانی سیکریٹری صحت نے یہ بھی بتایا کہ ملک بھر میں 2 ہزار 500 آکسیجن بیڈز کا اضافہ کیا ہے۔