شمالی وزیرستان میں دہشت گردوں کے خلاف آپریشن میں پاک فوج کے چار جوان شہید  ہوگئے۔

 فوج کے شعبہ تعلقات عامہ (آئی ایس پی آر) کی جاری کردہ تفصیلات کے مطابق شمالی وزیرستان میں میرانشاہ کے بویا علاقے میں دہشت گردوں کی موجودگی کی خفیہ اطلاع ملی تھی۔  جس کے بعد سیکیورٹی فورسز نے فوری طور پر دہشت گردوں کی پناہ گاہوں پر کارروائی کی۔

ناکہ بندی کے دوران دہشت گردوں کے ساتھ فائرنگ کے تبادلے میں چار سیکیورٹی اہلکار سپاہی محمد اسماعیل خان، سپاہی محمد شہباز یاسین، سپاہی راجا وحید احمد اور سپاہی رضوان خان نے جام شہادت نوش کیا۔

آئی ایس پی آر کے مطابق اس کارروائی میں چاروں دہشت گرد مارے گئے۔