fbpx
اخبارسب کے لیے سب کچھ

‘پیسوں کے ذرائع نہ بتانے والوں کو 31 دسمبر تک سرمایہ کاری کا موقع دیا ہے

5 مرلے کے مکان پر خریدار کو 3 لاکھ روپے کی چھوٹ ملے گی, شبلی فراز

جولائی 13, 2020 | 1:51 صبح

اسلام آباد میں چیئرمین نیا پاکستان ہاؤسنگ سکیم لیفٹیننٹ جنرل (ر) انور علی حیدر کے ہمراہ پریس کانفرنس کرتے ہوئے شبلی فراز کا کہنا تھا کہ تعمیراتی صنعت میں ٹیکس چھوٹ اور دیگر مراعات کا فائدہ 31 دسمبر سے پہلے اُٹھایا جاسکتا ہے۔

انہوں نے کہا کہ نئی پالیسی کے تحت بینک نجی قرضوں میں 5 فیصد تعمیرات کے شعبےکو دینے کے پابند ہوں گے اور اس  پالیسی کے تحت بینک تعمیرات کے شعبے میں سالانہ 330 ارب روپے فراہم کرسکیں گے۔

وفاقی وزیر کا کہنا تھا کہ سٹیٹ بینک اور فیڈرل بورڈ آف ریونیو (ایف بی آر) سہولیات فراہم کریں گے، پالیسی کے تحت بینکوں کے لیے شرح منافع کا تعین بھی کر دیا گیا ہے۔

اس موقع پر چیئرمین نیا پاکستان ہاؤسنگ سکیم لیفٹیننٹ جنرل (ر) انور علی حیدر نے کہا کہ تعمیرات کی صنعت میں لوگوں کو 3 بڑے مسائل تھے، جن میں ٹیکس اور فنانس کے معاملات سمیت منظوری کے مسائل بھی تھے، اب تعمیراتی شعبے کے تمام مسائل ایک ہی چھت تلے حل ہوں گے۔

لیفٹیننٹ جنرل(ر) انور علی حیدر  کا کہنا تھا کہ حکومت عام آدمیوں کو سہولت دینا چاہتی تھی جو لوگ اپنے پیسوں کے ذرائع نہیں بتا سکتے انہیں 31 دسمبر تک سرمایہ کاری کا موقع دیا گیا ہے۔

انہوں نے مزید کہا کہ 5 مرلے کا گھر بنانے والوں کو 5 فیصد شرح سود پر قرض دیا جائے گا اور 10مرلے کا گھر بنانے والوں کو 7 فیصد شرح سود پر قرض دیا جائے گا جب کہ تمام لوگوں کو اسلامی بینکنگ نظام کےتحت قرض کا آپشن بھی دیا جائے گا۔

متعلقہ خبریں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button