بلاول کو کچھ ہوا تو ذمے دار عمران خان ہونگے، سندھ حکومت
احسان اللہ احسان کےخلاف کارروائی کی جائے، پی پی پی
چیئرمین پیپلزپارٹی بلاول بھٹو کو طالبان دہشت گرد احسان اللہ احسان کی جانب سے دی گئی دھمکیوں کا پر سندھ حکومت نے وفاق سے مطالبہ کیا ہے دہشت گرد احسان اللہ احسان کےخلاف فوری مقدمہ درج کر کے کارروائی کی جائے۔
صوبائی وزیر سندھ اسماعیل راہو نے مزید کہاکہ چیئرمین بلاول بھٹو زرداری کو کچھ بھی ہوا تو اس کہ ذمے دار عمران خان ہوں گے۔ انھوں نے مزید کہا کہ بلاول بھٹو نے بیان عمران خان کےخلاف دیا تھا اور دھمکی احسان اللہ احسان نے دی ہے۔
اسماعیل راہو نے کہا کہ چیئرمین بلاول بھٹو زرداری کو احسان اللہ احسان کی جانب سے دی گئی دھمکی کی سخت مذمت کرتے ہیں، انھوں نے حکومت پر تنقید کرتے ہوئے کہا کہ چیئرمین بلاول بھٹو زرداری کو دھمکی پر اسلام آباد اور بنی گالا سے کسی نے بھی مذمت نہیں کی، اب قوم جان چکی ہے کہ طالبان نے کس کے کہنے پر دھمکی دی۔ اسماعیل راہو نے عمران خان پر الزام لگایا کہ ان ہی کے کہنے پر احسان اللہ احسان نے بلاول بھٹو زرداری کو دھمکی دی، سب جانتے ہیں کہ موجودہ حکمرانوں کے تانے بانے کہاں پر جاکے ملتے ہیں۔
