انمول بلوچ اور شہباز شگری کی جوڑی مقبول

انمول کا کہنا ہے کہ ڈرامے ’’ قربتین ‘‘ کی ابتدائی اقساط میں میرے کردار نے ناظرین کی بھرپور توجہ حاصل کرلی ہے، کامران اکبر کی ہدایتکاری میں اور شہباز شگری کے ساتھ پہلی بار کام کیا ہے۔

ڈرامے کی کہانی میں رومانس بھی ہے اور اپنی صلاحیتوں سے منزل تک پہنچنے کی جدو جہد بھی، ڈرامے کے ہر کردار میں حقیقت کے رنگ نمایاں نظر آرہے ہیں، اداکارہ انمول نے اپنے کردار کے بارے میں میڈیا سے بات کرتے ہوئے انکشاف کیا کہ ’میرا کردار ماضی میں پیش کیے گئے میرے کردار وں سے بہت مختلف ہے، میرا کردار ایک نوجوان لڑکی کا ہے جو زندگی میں بڑے ہونے کی خواہش مند ہے اور اپنے خوابوں کو پورا کرنے کی آزادی کی کوشش کرتی ہے۔‘

واضح رہے کہ اداکارہ انمول بلوچ کو ڈرامہ سیریل ایک لڑکی عام سی، دیوار شب، اور سزائے عشق میں بے حد پسند کیا گیا۔