اخبارشہر شہر سے

رہتی زمین پر مگر قیمتیں آسمانوں پر جا پہنچی۔۔۔

کراچی: موسم گرماکی آمداورمرغی کی کھپت میں کمی کے باوجودکراچی میںمرغی گوشت کی قیمت آسمان سے باتیں کررہی ہے۔

مرغی کی قیمت 420روپے کلوتک پہنچ گئی جس کے بعد مرغی کا گوشت غریب عوام کی پہنچ سے مزید دور ہوگیاہے، سندھ حکومت نے عوام کوگراں فروشوں کے رحم و کرم پر چھوڑدیا ہے،کمشنر کراچی نے 21 فروری کے لیے مرغی کے گوشت کی قیمت 214روپے کلو مقرر کی لیکن شہر بھر میں مرغی کا گوشت 420روپے کلو تک فروخت کیا گیا، بون لیس چکن 550 روپے کلو تک فروخت کی گئی، دکانداروںکاکہنا ہے کہ پولٹری فارمرز نے سپلائی محدودکردی ہے جس کی وجہ سے قیمت بڑھ رہی ہے۔

مرغی کی قیمتوں میں بلاجواز اضافہ پر شہری بھی مایوس نظر آتے ہیں، شہریوں کا کہنا ہے پرائس کنٹرول کا نظام غیر فعال ہے اور عوام مہنگائی برداشت کرنے پرمجبورہیں، سرکاری نرخ نامے اور بازارکے ریٹ میں 200روپے سے زیادہ کا فرق ہے ،سندھ حکومت اور کمشنر کراچی عوام کے مسائل سے لاتعلق ہیں ،مہنگائی کو قابو کرنے کے لیے نمائشی اقدامات بھی اب ترک کیے جاچکے ہیں، شہر میںکسی دکان پر سرکاری نرخ نامہ آویزاں کرنے کی زحمت محسوس نہیںکی جارہی جبکہ ڈپٹی کمشنرز کی تمام توجہ سندھ حکومت کی آشیرباد حاصل کرنے پر مرکوز ہے۔

Tags

متعلقہ خبریں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button