آج کا ایشواخبار

پی ایس ایل ملتوی ہونے پر کھلاڑیوں کا کیا ردِ عمل تھا ؟؟؟

پاکستان سُپر لیگ کے ایڈیشن 6 کے ملتوی ہونے پر سابق و موجودہ کھلاڑی افسردہ ہیں اور پی سی بی کے اس فیصلے پر ردعمل دے  رہے ہیں۔

لاہور قلندرز کی نمائندگی کرنے والے محمد حفیظ کا کہنا ہے کہ پی ایس ایل سے متعلق خبر افسردہ کرنے والی ہے، سب محفوظ رہیں۔

سابق کپتان عامر سہیل نے کہا کہ ٹورنامنٹ اب جان پکڑنا شروع ہوا تھا، ایونٹ ملتوی ہونے کا بہت افسوس ہے۔

عامر سہیل نے کہا کہ پی ایس ایل میں سب نے پروٹوکولز کو فالو بھی کیا ہوا تھا ، ایس او پیز کے تحت ہمارا کھانا بھی ایک ایریا میں آتا تھا، ہوٹل میں کوئی ماسک کے بغیر داخل نہیں ہوسکتا تھا۔

سکندر بخت کا پی سی بی کے فیصلے پر کہنا ہے کہ پی سی بی نے اچھی کوشش کی لیکن فیل ہو گئے۔

آسٹریلوی کرکٹر ڈین کرسٹین پاکستان سپر لیگ سے دستبردار ہوگئے۔

پاکستان کرکٹ بورڈ نے کراچی کنگز سے وابستہ آسٹریلوی کرکٹر ڈین کرسٹین کے پی ایس ایل سے علیحدہ ہونے کی تصدیق کی ہے۔

پی سی بی کا کہنا ہےکہ کراچی کنگز کے آل راؤنڈر ڈین کرسٹین دبئی روانہ ہورہے ہیں۔

پاکستان سپر لیگ کے چھٹے ایڈیشن میں اسلام آباد یونائیٹڈ کے فاسٹ بولر حسن علی نے لیگ ملتوی ہونے پر افسوس کا اظہار کیا ہے۔

پاکستان سپر لیگ کے دوران کھلاڑیوں اور ٹیم آفیشلز کے دوران کورونا کے بڑھتے کیسز کے باعث پی ایس ایل غیر معینہ مدت تک کے لیے ملتوی کر دی گئی ہے۔

اس حوالے سے کھلاڑیوں اور ماہرین کا ردعمل بھی سامنے آنا شروع ہو گیا ہے۔

اسلام آباد یونائیٹڈ کے فاسٹ بولر حسن علی نے سوشل میڈیا پر اپنے بیان میں کہا کہ ’نظر لگ گئی کسی کی ہماری پی ایس ایل کو‘

Tags

متعلقہ خبریں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button