خیبرپختونخوا کا 15 ستمبر کو تمام تعلیمی ادارے کھولنے کا فیصلہ

پشاور میں پریس کانفرنس کرتے ہوئے معاون خصوصی برائے اطلاعات خیبرپختونخوا کامران بنگش نے کہا کہ صوبائی کابینہ نے 15 ستمبر سے تعلیمی ادارے کھولنے کا فیصلہ کیا ہے۔

کامران خان بنگش کا کہنا تھا کہ  تمام اسکولز، کالجز، یونیورسٹیاں اور مدارس 15 ستمبر کو کھولے جائیں گے۔ تعلیمی اداروں کو پابند کیا جائے گا کہ وہ کورونا سے متعلق ایس او پیز پر سختی سے عمل درآمد یقینی بنائیں۔ ایس او پیز پر عمل درآمد نہ کرنے والے تعلیمی ادارے کو فوری طور پر بند کردیا جائے گا۔

عاون خصوصی برائے اطلاعات خیبرپختونخوا نے بتایا کہ مختلف سرکاری محکموں کے 85 گیسٹ ہاؤسز محکمہ سیاحت کے حوالے کیے جائیں گے۔

انھوں نے بتایا کہ کابینہ اجلاس میں سرمایہ کاری سے متعلق قوانین بہتر بنانے  اور تعمیراتی شعبے کو 4 ارب روپے کا ریلیف پیکیج اور  شہریوں کو لوکل کونسل ٹیکس سے استثنی کا بھی فیصلہ کیا گیا۔کابینہ اجلاس میں مقررہ قیمتوں پر آٹے کی فراہمی کی ہدایت کی گئی۔