بھارتی کرکٹر مہندر سنگھ دھونی سریش رائنا نے کرکٹ کو خیر باد کہہ دیا
دونوں آئی پی ایل میں چنائی سپرکنگز کے لیے دستیاب ہوں گے
مہندرا سنگھ دھونی نے انٹرنیشنل کرکٹ سے ریٹائرمنٹ کا اعلان کردیا. انہوں نے 2005 میں سری لنکا کے خلاف میچ سے ڈبیو کیا تھا۔
بھارت نے ایم ایس دھونی کی قیادت میں بھارتی ٹیم نےٹی ٹوئنٹی ورلڈکپ 2007 اور و رلڈکپ 2011 جیتا، 2013 میں چیمپینز ٹرافی اٹھا کرانھوں نے اپنا نام بھارتی کرکٹ کی تاریخ میں سنہری الفاظ میں لکھوایا۔
دھونی نے چھ سال پہلے 2014 میں ٹیسٹ کرکٹ سے ریٹائیرمنٹ کا اعلان کیا تھا، اب انہوں نے ون ڈے اور ٹی ٹوئنٹی فارمیٹ سے بھی کنارہ کشی کرلی ہے۔
ایم ایس دھونی نے 350 ون ڈے،98 ٹی ٹوئنٹی اور 90 ٹیسٹ میں بھارت کی نمائندگی کی، وہ بھارت کے کامیاب ترین کپتان اور وکٹ کیپر بلے باز ہیں، دھونی نے آخری میچ 2019 کا ورلڈکپ سیمی فائنل کھیلا۔
دھونی کے ریٹائرمنٹ کے اعلان کے فوراً بعد ہی بھارتی بیٹسمین سریش رائنا نے بھی انٹرنیشنل کرکٹ سے ریٹائرمنٹ کا اعلان کیا۔ سوشل میڈیا پر جاری بیان میں انھوں نے کہا کہ میں اپنے کپتان کے نقش قدم پر چلتے ہوئے انٹرنیشنل کرکٹ کو خیر باد کہہ رہا ہوں۔
بھارتی بلے باز سریش رائنا نے اپنے کرکٹ کیریئر کے دوران 18 ٹیسٹ، 226 ون ڈے اور 78 ٹی ٹوئنٹی میچوں میں بھارتی کی نمائندگی کی۔
رپورٹس کے مطابق دونوں کھلاڑی آئی پی ایل میں چنائی سپرکنگز کے لیے دستیاب ہوں گے۔
