fbpx
اخبارسوشل میڈیا

پنجاب میں انٹر کے طلبہ کو پاس کرنے کا فارمولا کس کے ہاتھ میں؟

اگست 17, 2020 | 12:41 شام

پنجاب میں کورونا وبا کے باعث اس سال انٹر میڈیٹ پارٹ ٹو کے امتحانات نہیں ہوسکے،، تعلیمی بورڈز کے سربراہان نے بغیر امتحان لیے انٹرمیڈیٹ کے نتائج کا اعلان کرنے کےلیےفارمولا تیار کیا جس میں تجویز کیا گیا کہ امیدوار کے فرسٹ ائیرمیں حاصل کردہ نمبر ڈبل کرکے ان میں 3 فیصد اضافی نمبرشامل کرکے نتائج کا اعلان کردیا جائے۔

 تعلیمی بورڈز نے یہ فارمولا منظوری کے لیے محکمہ تعلیم کوبھجوایا جس نے محکمہ قانون کی رائے کے بعد معاملہ حتمی منظوری کے لیے پنجاب کابینہ کو بھیج دیا۔

معاملہ لٹک جانے پر لاکھوں طالب علم اور ان کے والدین پریشان ہیں اور ان کا کہنا ہے کہ ہر سال انٹرمیڈیٹ کے نتائج کا اعلان اگست میں ہو جاتا ہے، اس بار معلوم نہیں کہ کب انٹرمیڈیٹ کے نتائج آئیں اورکب ایم کیٹ کے امتحانات ہوں، اگر سب کچھ بَروقت نہ ہوا تو ان کا سال ضائع ہونے کا خدشہ ہے۔

دوسری جانب ذرائع کاکہناہےکہ وزیر اعلیٰ پنجاب نے نتائج فارمولے کا معاملہ کابینہ سب کمیٹی کے سپرد کر دیا ہے۔

ادھر تعلیمی بورڈز کے سربراہان کہتے ہیں کہ پنجاب کابینہ کی حتمی منظوری کے ایک ہفتے بعد وہ نتائج کا اعلان کر دیں گے۔

متعلقہ خبریں

جواب دیں

آپ کا ای میل ایڈریس شائع نہیں کیا جائے گا۔

Back to top button