لائم لائٹ

مبینہ اغواکاروں سے بچنے کے لئے خاتون نے جان داؤ پر لگادی

انطالیہ(ویب ڈیسک)خاتون نے مبینہ طور پر اغوا اور تشدد کا نشانہ بننے کے باعث سے ڈرامائی انداز میں کھڑکی سے چھلانگ لگاتے ہوئے خود کو شدید زخمی کرلیا۔میڈیا رپورٹ کے مطابق واقعہ ترکی کے مشہور شہر انطالیہ میں آیا، جہاں خاتون مبینہ طور پر اپنی جان بچانے کے لئے کھڑکی سے لٹک گئی، خاتون کی کھڑکی سے لٹکنے کی ویڈیو سوشل میڈیا پر وائرل ہوگئی ہے۔مقامی میڈیا کے مطابق انیس سالہ لڑکی کا نام سیرین این ای ہے، جو کھڑکی پر لٹکنے سے قبل چلا چلا کر کہہ رہی تھی کہ ایرانی مردوں نے

مجھے اغوا کے بعد اور تشدد کا نشانہ بنایا اور اب وہ مجھے بیچنے کی کوشش کررہے ہیں۔خاتون کے کھڑکی سے کودنے سے قبل نیچے موجود ہجوم نے اسے اس حرکت سے باز رکھنے کی کوشش کی اور اسے ڈرانے کی غرض سے کہا کہ پولیس آرہی ہے مگر خاتون نے ہرکس کی بات کو ان سنی کردی ، بعد ازاں وہ کھڑکی سے کودی تو نیچے کھڑی گاڑی سے ٹکرا کر زمین پر جاگری اور شدید زخمی ہوگئیں۔سوشل میڈیا پر وائرل تصاویر میں دیکھا جاسکتا ہے کہ خاتون کو طبی امداد کے لئے اسٹریچر پر ڈال کر اسپتال منتقل کیا جارہا ہے۔واقعے کے عینی شاہد نے مقامی میڈیا کو بتایا کہ میں کچن میں بیٹھا تھا کہ مجھے باہر سے چینخنے کی آواز آئی، دیکھا کہ ایک خاتون چینخ کر کہہ رہی تھی کہ میں مرنا چاہتی ہوں۔مقامی پولیس نے واقعے سے متعلق تحقیقات کا آغاز کردیا ہے فی الحال خاتون کی طبیعت کے حوالے سے مزید معلومات میسر نہیں ہوسکی ہیں۔

Tags

متعلقہ خبریں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button