پاکستان نےمارک کولز کی زندگی بدل دی، سبز کوٹ میں دفن ہونے کی خواہش

نیوزی لینڈ سے تعلق رکھنے والے مارک کولز ستمبر 2017 سے اکتوبر 2019تک ذمہ داری پر فائز رہے، یہ عرصہ ان کی زندگی کے لیے ناقابلِ فراموش ثابت ہوا،وہ ان دنوں آسٹریلیا کے شہر سن شائن کوسٹ میں رہائش پزیر اور ایک کلب ٹیم کی کوچنگ کررہے ہیں۔

 کولز کا کہنا ہے کہ میں لفظوں میں بتا نہیں سکتا کہ دورہ پاکستان سے کتنا متاثر ہوا، پاکستان کا ترانہ، پرچم، اس پر چاند اور ستارہ، میرے لیے بہت ہی یادگار اور اہم ہیں ۔مجھے پاکستان اور اپنی ٹیم پر بہت فخر تھا، میں چاہوں گا کہ مجھے پاکستان کے سبز کوٹ میں ہی دفنایا جائے، اس 2سال کے عرصے نے میری زندگی بدل دی ہے۔میں نے ایک ایسے ملک کیلیے کام کیا جس کے بارے میں زیادہ نہیں جانتا تھا لیکن اس نے میرے دل میں جگہ بنالی، مجھے ایک بار پھر سے جینے کا ذریعہ ملا۔