اخبارسب کے لیے سب کچھ
سینیٹ انتخاب کیلئے کاغذات نامزدگی کا اجراء اور وصولی جاری
اگست 28, 2020 |
9:32 صبح
بلوچستان سے سینیٹ کی خالی نشست پر انتخاب کےلئے کاغذات نامزدگی کے اجراء اور وصولی کاعمل جاری ہے، گزشتہ روز 5کاغذات نامزدگی جاری کئےگئے تھے، سینیٹ کی خالی نشست پر انتخاب 12ستمبر کو بلوچستان اسمبلی میں ہوگا۔
الیکشن کمیشن حکام کے مطابق سینیٹ کی خالی نشست پر انتخاب اب تک 5 کاغذات نامزدگی جاری کئے گئے ہیں، کاغذات نامزدگی وصول کرنے والوں میں ہزارہ ڈیموکریٹک پارٹی کےاصغرعلی چنگیزی، آزاد امیدوار سید نوید جان، پی ٹی آئی کےنواب خان، بلوچستان عوامی پارٹی کےاورنگزیب کھیتران اور خالد بزنجو شامل ہیں۔
اب تک ایچ ڈی پی کےامیدوار اصغر چنگیزی نےاپنے کاغذات جمع کرائےہیں، حکام کے مطابق کاغذات نامزدگی کے اجراء اور وصولی کا سلسلہ آج جمعہ کےروز بھی جاری رہےگا۔
