کراچی میں آج اور کل مزید موسلا دھار بارشوں کی پیشگوئی

کراچی: محکمہ موسمیات نے آج اور کل کراچی، حیدر آباد، ٹھٹھہ، تھر پارکر اور سندھ کے دیگر اضلاع میں گرج چمک کے ساتھ مزید بارشوں کی پیش گوئی کردی۔

محکمہ موسمیات کے مطابق ہفتہ کی صبح سے سندھ میں مون سون کا نیا سسٹم داخل ہوگیا ہے جس کے سبب کراچی میں اتواراور پیر کو تیز ہواؤں اور گرج چمک کے ساتھ موسلا دھار بارش کا امکان ہے جبکہ حیدرآباد، ٹھٹہ، تھر پارکر سمیت سندھ کے دیگر اضلاع میں بھی گرج چمک کے ساتھ تیز بارشیں ہونے کی توقع ہے۔

محکمہ موسمیات کے مطابق بارشوں کے سبب کراچی، حیدر آباد، بدین، میرپور خاص اور ٹھٹھہ میں اربن فلڈنگ کا بھی خدشہ ہے، تیز بارشوں کی وجہ سے زیریں سندھ کے علاقے دوبارہ زیر آب آسکتے ہیں۔

محکمہ موسمیات نے کہا ہے کہ آج کراچی میں زیادہ سے زیادہ درجہ حرارت 33  سے 35 ڈگری کے درمیان رہنے کی توقع ہے۔