fbpx
اخبارسب کے لیے سب کچھ

چنیوٹ کے مقام پر اونچے درجے کا سیلاب؛ متعدد دیہات کا زمینی رابطہ منقطع

اگست 30, 2020 | 1:40 صبح

چنیوٹ: دریائے چناب چنیوٹ کے مقام پر اونچے درجے کا سیلاب آنے سے متعدد علاقے زیر آب آگئے اور 10 سے زائد آبادیوں کا رابطہ شہر سے کٹ گیا، دریائے چناب کے کنارے آباد دیہاتوں میں ریسکیو آپریشن جاری ہے۔

دریائے چناب چنیوٹ کے مقام پر اونچے درجے کے سیلاب سے متعدد علاقے زیر آب آگئے، 3 لاکھ کیوسک کا سیلابی ریلا دریائے چناب سے گزر رہا ہے جب کہ دریا کے کنارے پر آباد 10 سے زائد آبادیوں کا زابطہ شہر سے کٹ گیا ہے۔

سیلابی پانی قریبی نشیبی علاقی میں داخل ہونے سے فصلیں زیرِ آب آ گئیں، مکئی، جوار، باجرہ، دھان اور کماد سمیت چارہ جات کی فصلیں سیلابی پانی میں ڈوب گئیں۔

دریائے چناب کے کنارے آباد دیہاتوں میں ریسکیو آپریشن جاری ہے، سیلابی پانی سے متاثر ہونے والے خاندانوں کو محفوظ مقامات پر منتقل کیا جارہا ہے۔

متعلقہ خبریں

جواب دیں

آپ کا ای میل ایڈریس شائع نہیں کیا جائے گا۔

Back to top button