اخبارشہر شہر سے
سندھ یونیورسٹی کے وائس چانسلرسمیت 60 افسران کے خلاف مقدمہ درج
ستمبر 1, 2020 |
11:46 صبح
حیدر آباد: سندھ یونی ورسٹی کے وائس چانسلرسمیت 60 افسران کے خلاف فنڈزمیں خرد برد کے الزام میں مقدمہ درج کرلیا گیا ہے۔
محکمہ اینٹی کرپشن جامشورو زون نے سندھ یونی ورسٹی کے فنڈز میں خرد برد کے خلاف بڑی کارروائی کرتے ہوئے وائس چانسلرفتح محمد برفت سمیت 60 سے زائد افسران و عملے کے خلاف مقدمات درج کرلیا ہے۔ سندھ یونیورسٹی کی ٹینڈرکمیٹی کے سرفرازسولنگی، محمد سلیم چانڈیو اور منیر الدین کے خلاف بھی مقدمہ درج کیا گیا ہے۔
محکمہ اینٹی کرپشن کے مطابق سندھ یونی ورسٹی کے فنڈزمیں 73 کروڑ روپے کی خرد برد کی گئی جس میں غیر قانونی بھرتیاں اور اختیارات کا ناجائز استعمال بھی شامل ہے۔
محکمہ اینٹی کرپشن کے مطابق لائف انشورنس اوریوٹیلیٹی بلزکی مد میں خرد برد کی گئی، جامعہ میں غیر قانونی بھرتیاں کرکے انہیں تنخواہیں جاری کی گئیں، اختیارات کا ناجائزاستعمال کرتے ہوئے وی سی نے 60 لاکھ روپے کی گاڑی خریدی، یونیورسٹی کے خرچ پر10 ممالک کے دورے بھی کئے گئے۔
