کراچی میں چارمنزلہ رہائشی عمارت زمین بوس ، ایک جاں بحق ،متعدد زخمی

 کراچی: کورنگی کے علاقے اللہ والا ٹاؤن میں چارمنزلہ رہائشی عمارت زمین بوس ہوگئی۔

کراچی میں کورنگی کے علاقے اللہ والا ٹاؤن میں چارمنزلہ رہائشی عمارت گرگئی۔ عمارت 80 گزکے پلاٹ پرتعمیرکی گئی تھی۔ تاحال ملبے سے 5 زخمیوں کونکالیا گیا ہے اورانہیں قریبی اسپتال منتقل کیا گیا ہے تاہم رہائشیوں کے عمارت کے ملبے تلے دبے ہونے کا خدشہ ہے۔

ریسکیوحکام فوری طورپرموقع پرپہنچ گئے اورعلاقہ مکینوں کی مدد سے امدادی کام کا آغازکردیا ہے۔ علاقہ مکینوں کا کہنا ہے کہ 3 دن پہلے عمارت گرنے کا خدشہ ظاہرکیا گیا تھا، عمارت کے بیم پلرنے جگہ چھوڑدی تھی۔  پولیس کا کہنا ہے کہ ملبے کو فوری ہٹانے کے لیئے ہیوی مشینری طلب کی گئی ہے، گرنے والی عمارت سے متصل عمارتوں کو بھی نقصان پہنچا ہے۔