اسلام آباد : کورونا ایس اوپیز کےتحت ملک بھرکے تعلیمی ادارے آج سے مرحلہ وار کھول دیئے گئے۔
تقریباً ساڑھے 6 ماہ کی بندش کے بعد آج سے چاروں صوبوں میں جامعات اورکالجوں کے ساتھ ساتھ نویں اوردسویں جماعت کی کلاسوں کا بھی آغازکر دیا گیا ہے۔
وزیراعظم عمران خان نے تمام سکولز پبلک ہیلتھ سیکیورٹی رولزکے مطابق کھولنے کی ہدایت کی ہے۔ اور کہا ہے کہ اجتماعی ذمہ داری ہے کہ ہربچہ محفوظ طریقےسےسکول جائےاورتعیم حاصل کرے، سکول واپسی پر لاکھوں طلبہ کوخوش آمدید کہیں گے۔
خیال رہے کہ وفاق اور صوبوں کی تجاویز کے بعد تعلیمی ادارے کھولنے کی حتمی منظوری نیشنل کمانڈ اینڈ آپریشن سینٹر نے دی تھی۔
