اخبارسب کے لیے سب کچھ
فضل الرحمان کو نوٹس پر نیب کا یو ٹرن،،، مولانا کی بجائے اب کیپٹن (ر) صفدرکی طلبی
ستمبر 30, 2020 |
3:12 صبح
اسلام آباد : قومی احتساب بیورو (نیب) نے نواز شریف کے داماد اور مریم نواز کے شوہر کیپٹن ریٹائرڈ صفدر کو 8 اکتوبر کو طلب کر لیا۔
ذرائع کے مطابق کیپٹن ریٹائرڈ صفدر کو نیب خیبر پختونخوا نے آمدن سے زائد اثاثوں کے کیس میں طلب کیا ہے۔ علاوہ ازیں نیب کی جانب سے جاری اعلامیے میں کہا گیا ہے کہ مولانا فضل الرحمان کو طلبی کا کوئی نوٹس جاری نہیں کیا گیا۔ نیب کی طرف سے جاری اعلامیے کے مطابق مولانا فضل الرحمان کے خلاف انکوائری جاری ہے۔
خیال رہے کہ اس سے قبل نیب خیبر پختونخوا کی طرف سے مولانافضل الرحمان کو پیش ہونے کے لیے ایک سمن جاری کیا گیا تھا تاہم مولانا کی طرف سے حکومت پر کڑی تنقید کے بعد نیب خیبر پختونخوا کی طرف سے مذکورہ سمن سے دستبردار ہونے کی خبریں بھی سامنے آئی تھیں۔
