کراچی : ملک کے لیجنڈ اداکار لطیف منا کراچی میں انتقال کرگئے۔
لطیف منا 7 نومبر 1945 میں کراچی میں پیدا ہوئے، ان کے والد صاحب عبدالعزید اخوند مختیارکار تھے۔ لطیف منا نے 1977 سے سٹیج اور پاکستان ٹیلی ویژن سے فنی دنیا میں قدم رکھا، پی ٹی وی پر ان کا پہلا ڈراما ’پیوند‘ تھا جس کے بعد ان کے مشہور ڈراموں میں ’دنیا دیوانی‘ ’مچھچٹو مگھر داماد‘ سمیت ایک ہزار سے زائد مشہور ڈرامے شامل ہیں۔
لطیف منا کراچی کے ویلفیئر ہسپتال میں زیر علاج تھے جہاں وہ دم توڑ گئے، ان کے سوگوارن میں اہلیہ 2 بیٹے اور ایک بیٹی شامل ہیں۔اداکار لطیف منا زندگی کے آخری لمحے تک فنی دنیا سے وابسطہ رہے، ان کے انتقال پر سندھ فنکار ویلفیئر ٹرسٹ کی جانب سے تین دن سوگ کا اعلان کیا گیا ہے۔سندھ فنکار ویلفیئر ٹرسٹ کے مرکزی چیئرمین حمید بھٹو نےکہا کہ لطیف منا نے ہمیشہ خاموشی سے فن کی خدمت کی۔
لطیف منا کی نماز جنازہ آج ان کے گھر کے قریب جامع مسجد عیدگاہ شاہ ولی اللہ روڈ کھڈا مارکیٹ لیاری میں ادا کی جائی گئی اور تدفین میران شاہ پیر قبرستان میں کی جائے گی۔
