اخبارسب کے لیے سب کچھ
پی آئی اے کا ملازمت سے رضا کارانہ علیحدگی کی سکیم متعارف کرانے کا فیصلہ
اکتوبر 9, 2020 |
3:52 صبح
اسلام آباد : قومی ائیرلائنز (پی آئی اے) نے ملازمت سے رضا کارانہ علیحدگی کی سکیم متعارف کرانے کافیصلہ کیا ہے۔
ذرائع کے مطابق پی آئی اے کی جانب سے آئندہ ماہ ملازمت سے رضاکارانہ علیحدگی کی سکیم متعارف کروائی جائے گی جس سے ادارے کے 2700 ملازمین استفادہ کرسکیں گے۔
ذرائع کے مطابق پی آئی اے رضا کارانہ علیحدگی کی سکیم نومبر کے پہلے ہفتے میں متعارف کرائے گی اور اس سکیم کی اقتصادی رابطہ کمیٹی (ای سی سی) سے بھی منظوری لی جائے گی۔
سکیم سے 60 سال سےکم عمرملازمین استفادہ کے حقدار ہوں گے جب کہ 18سال سے زائد اور کم ملازمت والوں کے لیے مراعات کی 2 کیٹگریز رکھی جائیں گی۔
