اخبارسب کے لیے سب کچھ
مکانات کی تعمیر، سٹیٹ بینک نے آسان قرضہ سکیم متعارف کرادی
اکتوبر 13, 2020 |
6:55 صبح
کراچی: سٹیٹ بینک نے سستے تعمیراتی قرضے کے لیے حکومتِ پاکستان کی مارک اپ زرِ اعانت کا اعلان کر دیا۔پیر کو سٹیٹ بینک کی جانب سے جاری کردہ اعلامیہ کے مطابق وفاقی حکومتِ عوام کو سستے مکانات کی فراہمی کے اپنے ویژن کے مطابق نئے مکانات کی تعمیر اور خریداری کے لیے مارک اپ زرِ اعانت (سبسڈی) فراہم کرے گی، اس سہولت کے تحت وہ تمام افراد جو پہلی بار اپنا مکان تعمیر کر رہے ہوں گے یا خرید رہے ہوں گے، انہیں رعایتی اور سستے مارک اپ ریٹس پر بینک قرضے مل سکیں گے، یہ سہولت سٹیٹ بینک کے انتظامی تعاون کے ساتھ فراہم کی جائے گی جو حکومتِ پاکستان اور ’نیا پاکستان ہاؤسنگ اینڈ ڈیولپمنٹ اتھارٹی‘ (نیفڈا) کا ایگزیکیوٹنگ پارٹنر ہوگا۔
