اخباروومنزہ

2020 کی متاثر کن اور بااثر 100 خواتین کی فہرست میں کون کون شامل ہے؟

لندن : دنیا بھر سے سنہ 2020 کی متاثر کن اور بااثر 100 خواتین کے ناموں کی فہرست جاری کردی گئی ہے۔

برطانوی نشریاتی ادارے بی بی سی کے مطابق اس سال 100 خواتین کی فہرست میں ایسے ناموں کو شامل کیا گیا ہے جو پریشان کن حالات میں رہتے ہوئے بھی تبدیلی لانے کے لیے رہنمائی کے ساتھ ساتھ متاثرکن کردار ادا کر رہی ہیں۔

پاکستانی اداکارہ ماہرہ خان، جو جنسی تشدد اور رنگ گورا کرنے والی کریموں کے خلاف بولتی ہیں، اور پاکستان میں غربت کا خاتمہ کرنے والے پروگرام کی سربراہ ڈاکٹر ثانیہ نشتر بھی اس فہرست میں شامل ہیں۔

اس فہرست میں صنا مارن، جو فن لینڈ میں خواتین کی مخلوط حکومت کی سربراہی کرتی ہیں، متحدہ عرب امارات کی جدید ٹیکنالوجیز کی وزیر اور متحدہ عرب امارات کی خلائی ایجنسی کی چیئر پرسن سارہ الامیری اور سارہ گلبرٹ، جو کرونا ویکسین بنانے والی آکسفورڈ تحقیق کی سربراہی کر رہی ہیں، جیسی بااثر خواتین کے نام شامل ہیں۔

اس کے علاوہ مصنفہ فینگ فینگ جنھوں نے لاک ڈاؤن کے دوران ووہان میں ہونے والے واقعات کو ڈاکیومنٹ کیا، اور جنوبی افریقہ کی گلوکار زاہارا، جنھوں نے خواتین پر تشدد کے حوالے سے آواز اٹھائی، بھی 100 بااثر خواتین میں شامل ہیں۔

اس غیر معمولی سال میں جہاں دنیا بھر میں لاتعداد خواتین نے دوسروں کے لیے قربانیاں دی ہیں، اس فہرست میں پہلا نمبر ایسی عورتوں کے اعزاز میں چھوڑا گیا ہے جنھوں نے تبدیلی کی کاوش میں اپنی جانیں بھی قربان کر دیں۔

 2020 کی 100 خواتین

  • گمنام ہیرو

    پروفائل تصویر

    بین الاقوامیتبدیلی لانا

    اس غیر معمولی سال میں جہاں دنیا بھر میں لاتعداد خواتین نے دوسروں کے لیے قربانیاں دی ہیں، اس فہرست میں پہلا نمبر ایسی عورتوں کے اعزاز میں چھوڑا گیا ہے جنھوں نے تبدیلی کی کاوش میں اپنی جانیں بھی قربان کر دیں۔

  • ماہرہ خان

    پروفائل تصویر

    پاکستاناداکارہ

    پاکستانی اداکارہ ماہرہ خان کوئی معمولی سٹار نہیں بلکہ وہ جنسی تشدد کے خلاف کھل کر بات کرتی ہیں، انھوں نے رنگ گورا کرنے والی کریموں کی تشہیر سے انکار کیا اور وہ نسلی بنیادوں پر امتیاز کے خلاف جدوجہد کی حمایت کرتی ہیں۔ وہ اپنے ڈراموں اور فلموں کے ذریعے معاشرتی مسائل سے نمٹنا چاہتی ہیں۔

  • ثانیہ نشتر

    پروفائل تصویر

    پاکستانگلوبل ہیلتھ لیڈر

    ڈاکٹر ثانیہ نشتر عالمی صحت کے حوالے سے ایک اہم رہنما ہیں۔ 2018 سے وہ پاکستان میں غربت کا خاتمہ کرنے کے لیے تشکیل دیے گئے احساس پروگرام کی سربراہی کر رہی ہیں جس نے پاکستان میں لاکھوں افراد کی زندگیاں بہتر بنائی ہیں اور انھیں بینک اکاؤنٹس مہیا کیے جہاں وہ اپنی رقم محفوظ کر سکیں۔

  • لالہہ عثمانی

    پروفائل تصویر

    افغانستانسماجی کارکن

    افغانستان میں عورت کا عوامی طور پر نام استعمال کرنا معیوب سمجھا جاتا ہے۔ اس کے پیدائش کے سرٹیفیکٹ پر صرف اس کے والد کا نام استعمال کرنے کا اجازت ہے۔ جب کسی عورت کی شادی ہوتی ہے تو دعوت نامے پر اس کا نام نہیں آتا۔ جب وہ بیمار ہوتی ہے تو دواؤں کے نسخے پر بھی اس کا نام نہیں ہوتا۔ جب اس کی موت ہوتی ہے تو اس کا نام نہ موت کے سرٹیفیکٹ پر ہوتا ہے نہ قبر کے کتبے پر۔

  • نسرین سوتودیح

    پروفائل تصویر

    ایرانانسانی حقوق کی کارکن

    نسرین سوتودیح ایک ایرانی وکیل ہیں جو قانون کی بالادستی، قیدیوں اور اپوزیشن رہنماؤں کے حقوق کے ساتھ ساتھ خواتین اور بچوں کے حقوق کی متحرک کارکن ہیں۔ وہ ملک کے نظام عدل کے خلاف اٹھ کھڑے ہونے پر ملنے والی طویل قید کی سزا سے آج کل عارضی چھٹی پر ہیں۔

  • بلقیس بانو

    پروفائل تصویر

    انڈیااحتجاجی رہنما

    82 سال کی عمر میں بلقیس خواتین کے اس گروہ کا حصہ ہیں جنھوں نے پر امن طریقے سے شہریت کے متنازعہ قانون کے خلاف احتجاج کیا تھا۔

  • رینا اختر

    پروفائل تصویر

    بنگلہ دیشسابق سیکس ورکر

    عالمی وبا کے دوران، رینا اور ان کی مدد گاروں کی ٹیم نے ہر ہفتے 400 کے قریب کھانے جن میں چاول، سبزیاں، انڈے اور گوشت شامل تھا، ڈھاکہ میں ان سیکس ورکروں میں تقسیم کیے، جن کے پاس گاہک نہیں آ رہے تھے اور انھیں خوراک حاصل کرنے میں مشکل پیش آ رہی تھی۔

  • سارہ الامیری

    پروفائل تصویر

    متحدہ عرب اماراتجدید ٹیکنالوجیز کی وزیر

    ہر ایکسیلینسی سارہ الامیری متحدہ عرب امارات کی جدید ٹیکنالوجیز کی وزیر اور متحدہ عرب امارات کی خلائی ایجنسی کی چیئر پرسن ہیں۔ اس سے قبل وہ امارات کے مارز مشن کی سائنس کی رہنما اور نائب پراجیکٹ مینیجر تھیں۔

  • مناسی جوشی

    پروفائل تصویر

    انڈیاایتھلیٹ

    ایک ٹانگ سے محروم انڈین ایتھلیٹ مناسی پیرا بیڈ منٹن کی عالمی چیمپیئن ہیں۔ جون سنہ 2020 میں بیڈ منٹن ورلڈ فیڈریشن نے انھیں ایس ایل تھری سنگلز میں عالمی نمبر دو کا درجہ دیا ہے۔ اس کے علاوہ مناسی انجینئیر اور چینج میکر ہیں۔

  • رما سلطانہ رما

    پروفائل تصویر

    بنگلہ دیشٹیچر

    رما سلطانہ بنگلہ دیش کے شہر کاکس بازار میں ’ینگ وویمن لیڈر فار پیس‘ کی ایک رکن ہیں۔ یہ پروگرام گلوبل نیٹ ورک آف وویمن پیس بلڈرز کا حصہ ہے، جس کا مقصد تنازعے سے متاثرہ ممالک میں خواتین کو ان کے پیروں پر کھڑا کرنا ہے۔

  • سومایا فاروقی

    پروفائل تصویر

    افغانستانروبوٹکس کی ٹیم لیڈر

    جب سومایا کے صوبے ہرات میں کووڈ۔19 کا پہلا کیس رپورٹ ہوا تو وہ اور ان کی تمام روبوٹکس کی ٹیم ’دی افغان ڈریمرز‘ کورونا وائرس کے مریضوں کے علاج کے لیے کم خرچ وینٹیلیٹر بنانے میں مصروف ہو گئی۔

  • صفا کماری

    پروفائل تصویر

    شامپودوں کی وائرولوجسٹ

    پودوں کی وائرولوجسٹ ہونے کی حیثیت سے ڈاکٹر صفا کماری ایسی بیماریوں کی کھوج لگاتی ہیں جو فصلوں کو تباہ برباد کر سکتی ہیں۔ جب انھوں نے ایسے بیج دریافت کیے جو شام میں غذا کی قلت کو پورا کر سکتے تھے، انھوں نے ان بیج کو بچانے کے لیے اپنی زندگی خطرے میں ڈال کر حلب کا سفر کیا۔

  • ایمان غالب الھاملی

    پروفائل تصویر

    یمنمائیکروگرڈ مینیجر

    ایمان 10 خواتین کے ایک گروہ کی منتظم ہیں جس نے سولر مائیکروگرڈ قائم کیا ہے۔ یہ یمن کی تباہ کن خانہ جنگی کی فرنٹ لائن سے صرف 20 کی دوری پر صاف اور کم اثر والی توانائی مہیا کرتا ہے۔

  • حیات مرشاد

    پروفائل تصویر

    لبنانسماجی کارکن

    حیات مرشاد ایک فیمینسٹ ہیں جو لبنان میں بطور صحافی کام کرتی ہیں۔ انھوں نے خواتین کے لیے فی میل نام سے تنظیم بنائی ہے اور ان کا مقصد ہے کہ اس کی مدد سے خواتین کو انصاف، معلومات اور تحفظ ملے اور ان کے انسانی حقوق پورے ہوں۔

  • ایسایوانی

    پروفائل تصویر

    انڈیاموسیقار

    ایسایوانی یہ کہہ سکتی ہیں کہ وہ انڈیا میں ’گانا‘ تال گانے والی واحد مقبول خاتون گلوکارہ ہیں۔ وہ تمل ناڈو ریاست کے شہر چنئی سے تعلق رکھتی ہیں اور کئی سالوں سے اس تال کو گا رہی ہیں جس میں عمومی طور پر مردوں کی اجارہ داری ہوتی ہے۔

  • ہوئدا اباؤز

    پروفائل تصویر

    مراکشریپر

    ہوئدا اباؤز عرف خاٹیک ایک مراکش کی ریپر ہیں جو اپنے منفرد سٹائل اور غنائی گیتوں کی وجہ سے جانی جاتی ہیں۔

  • فیبفی سیتیاواتی

    پروفائل تصویر

    انڈونیشیاسماجی کارکن

    فیبفی سیتیاواتی ایک ایسی تنظیم کی رہنما ہیں جو ایسے لوگوں اور خاص کر مریضوں کی مدد کرتی ہے جنھیں معاشی مسائل ہوں یا جو کوویڈ 19 کا شکار ہوں۔ وہ اور ان کی ٹیم ایک وین میں کمیونٹی کا دورہ کرتے ہیں اور طالب علموں کو مفت انٹرنیٹ اور موبائل لائبریری تک رسائی دیتے ہیں تاکہ وہ اپنا کام جاری رکھ سکیں۔ اب یہ ٹیم ایسے علاقوں میں سگنل ٹرانسمیٹر فراہم کرنے کی کوشش کر رہی ہے جہاں انٹرنیٹ کے سگنل نہیں آتے۔

  • سپانا روکا مگار

    پروفائل تصویر

    نیپال

    تین ماہ تک بے گھر رہنے کے بعد سپانا نے کھٹمنڈو کا سفر کیا اور ایک ایسی تنظیم میں شامل ہو گئیں جو لاوارث لاشوں کا آخری رسومات ادا کرتی ہے۔

  • عائشہ یسوفو

    پروفائل تصویر

    نائجیریاسماجی کارکن

    عائشہ یسوفو ایک سماجی کارکن ہیں جو اپنے ملک میں اچھی حکمرانی کا مطالبہ کرتی ہیں۔

  • نادین اشرف

    پروفائل تصویر

    مصرکیمپینر

    نادین فلسفے کی طالبہ ہیں جو سمجھتی ہیں کہ سوشل میڈیا تبدیلی لانے والا ایک آلہ ہے۔ وہ اس جذبے سے علم پھیلانا چاہتی ہیں کہ یہ عام لوگوں کی پہنچ میں ہو۔

  • نصرین علون

    پروفائل پکچر

    پبلک ہیلتھ کی ماہر

    نصرین برطانیہ میں ایک پبلک ہیلتھ ڈاکٹر اور معلمہ ہیں، جو صحت اور خواتین اور بچوں کی بہبود پر تحقیق کرتی ہیں۔

  • اباہ علی

    پروفائل تصویر

    صومالی لینڈایف جی ایم ایجوکیٹر

    اباہ علی ’سولیس فار صومالی لینڈ گرلز‘ کی شریک بانی ہیں، یہ فاؤنڈیشن خواتین کو تعلیم کے ذریعے اور انھیں با اختیار بنا کر صومالی لینڈ کی برادریوں میں خواتین کے ختنوں (ایف جی ایم) کی ہر طرح کی شکل کو ختم کرنے کے لیے پر عزم ہے۔

  • کرن گاندھی

    پروفائل تصویر

    امریکہگلوکارہ

    کرن گاندھی، جو میڈم گاندھی کے نام سے جانی جاتی ہیں، ایک گلوکارہ، فنکارہ اور کارکن ہیں جن کا مشن صنفی آزادی کو بلند مقام پر پہنچانا اور منانا ہے۔ انھوں نے ایم آئی اے اور تھیوری کارپوریشن جیسے فنکاروں کے ساتھ لائیو پرفامنس بھی دی ہیں۔

  • گلسم کیو

    پروفائل تصویر

    ترکیسماجی انصاف کی کارکن

    گلسم کیو ایک ترک ڈاکٹر اور ’وی ول سٹاپ فیمی سائیڈ‘ نامی ایک ادارے کی شریک بانی ہیں۔ گذشتہ ایک برس کے دوران بڑی تعداد میں خواتین کے قتل اور استنبول کنونشن کو منسوخ کرنے کے لیے جاری پارلیمانی بحث کو ترکی میں خاصی تنقید کا سامنا کرنا پڑا ہے۔

  • لوزا ابیرا جینیور

    پروفائل تصویر

    ایتھیوپیافٹبالر

    لوزا ابیرا جینیورجنوبی ایتھوپیا کے ایک چھوٹے سے قصبے میں پیدا ہوئیں اور وہیں پلی بڑھیں۔ وہ ہواسا سٹی ایس سی کی وومنز پریمیئر لیگ کے لیے دو سیزن کھیلی ہیں، اس دوران وہ کلب کی ٹاپ گول سکورر رہیں۔

  • کرسٹینا آدین

    پروفائل تصویر

    نیدرلینڈزمہم چلانے والی

    برطانیہ میں گرمیوں کی چھٹیوں کے دوران بچوں کے سکول کے فری کھانوں کی پیٹیشن کے پیچھے کرسٹینا کا ہاتھ تھا۔ اس مہم کو فٹبالر مارکس ریشفورڈ کی حمایت حاصل ہے۔

  • یووان آکی۔سائیر

    پروفائل تصویر

    سیارا لیونمیئر

    میئر یووان آکی۔سائیر او بی ای اپنے تین سالہ ٹرانسفارم فری ٹاؤن منصوبے کی وجہ سے بہت مشہور ہیں، جس کا ہدف 11 سیکٹرز ہیں جو ماحولیاتی تنزلی اور موسمیاتی تبدیلی سے نمٹنے سے لے کر نوجوانوں میں بے روزگاری کو کم کرنے کے لیے نوکریاں پیدا کرنے میں مدد دیتا ہے۔ اس سال جب موسمیاتی بحران پر کڑی نظر ہے، میئر آکی۔سائیر نے فری ٹاؤن کے رہائشیوں کو تحریک دی ہے کہ وہ ان کی دو سال کے وقفے میں دس لاکھ درخت لگانے کی مہم میں شامل ہو جائیں۔

  • وعد الاخطیب

    پروفائل تصویر

    شامفلم میکر

    وعد الاخطیب ایک شامی سرگرم کارکن، صحافی اور ایوارڈ یافتہ فلم میکر ہیں، جنھیں ان کی حلب پر نیوز رپورٹوں کی وجہ سے متعدد اعزازات (بشمول ایمی) سے نوازا گیا ہے۔ 2020 میں ان کی پہلی فیچر فلم سما کو بہترین ڈاکیومنٹری کا بافٹا ایوارڈ دیا گیا، اور اسے اکیڈمی ایوارڈ میں بہترین ڈاکیومنٹری فیچر کے طور پر نامزد بھی کیا گیا۔

  • ایڈریانا البینی

    پروفائل تصویر

    اٹلیپیتھالوجسٹ

    ایڈریانا البینی آئی آر سی سی ایس ملٹی میڈیکا اور ملٹی میڈیکا فاؤنڈیشن کی ویسکولر بائیولوجی اور اینجیوجینیسس کی سربراہ، یونیوسٹی آف میلان۔بائیکوکا کی جنرل پیتھالوجی کی پروفیسر اور امریکی نیشنل انسٹیٹیوٹ آف ہیلتھ کی سابق وزٹنگ سائنٹسٹ ہیں۔

  • الیزبیتھ انیونو

    پروفائل تصویر

    انگلینڈ، برطانیہنرس

    پروفیسر ڈیم الیزبیتھ انیونو یونیورسٹی آف ویسٹ لندن میں امیریٹس پروفیسر آف نرسنگ ہیں، اس کے علاوہ وہ یو کے سکل سیل سوسائیٹی کی پیٹرن بھی ہیں۔

  • ڈیانا باران

    پروفائل تصویر

    برطانیہپارلیمانی سیکریٹری خارجہ

    بیرونس باران کو 2019 میں برطانیہ کی سول سوسائٹی کی وزیر تعینات کیا گیا۔ وہ سیف لائیوز کی بانی اور سابق چیف ایگزیکیوٹیو ہیں، جو کہ گھریلوں تشدد کے خلاف کام کرنے والا ایک قومی خیراتی ادارہ ہے۔ وہ تھنک ٹینک ’نیو فیلان تھراپی کیپیٹل‘ کی بھی سابق گرانٹ ڈویلپمنٹ انچارج ہیں، انھوں نے ایسٹ مینجمنٹ میں بھی کام کیا ہے اور 1993 میں یورپ کا پہلا ہیج فنڈ بھی قائم کیا تھا۔

  • سنڈی بشپ

    پروفائل تصویر

    تھائی لینڈاقوامِ متحدہ کی خواتین کی سفیر/ماڈل

    سنڈی سرینیا بشپ ایک ماڈل، اداکارہ اور ٹی وی شو کی میزبان ہیں اور خواتین پر تشدد کے خاتمے کے لیے مہم چلاتی ہیں۔ اس سال انھیں ایشیا اور بحر الکاہل کے لیے اقوام متحدہ کی خواتین کی علاقائی خیر سگالی سفیر مقرر کیا گیا اور انھوں نے حکومتوں اور برادریوں کی مدد سے تعلیم اور صنفی مساوات کو فروغ دیا۔ جب 2018 میں تھائی لینڈ کے حکام نے خواتین کو تجویز دی کہ اگر وہ نئے تھائی سال کے تہواروں میں جنسی زیادتی کا نشانہ بننے سے بچنا چاہتی ہیں تو ’سیکسی نظر نہ آئیں‘ اس وقت سنڈی نے #DontTellMeHowToDress نامی تحریک کی بنیاد رکھی۔

  • میکنلی بٹسن

    پروفائل تصویر

    آسٹریلیاسائنسدان اور موجد

    میکنلی بٹسن نے اس وقت چیزیں ایجاد کرنا شروع کر دی تھیں جب وہ صرف سات سال کی تھیں۔ اب وہ 20 سال کی ہیں اور انھوں نے کئی مشینیں ایجاد کی ہیں، اور ان کا مقصد پستان کے کینسر کے مریضوں کے ریڈیوتھراپی کے نتائج بہتر بنانا اور ترقی پذیر ممالک میں پینے کا صاف پانی مہیا کرنا ہے۔

  • ایولینا کیبریرا

    پروفائل تصویر

    ارجنٹائنفٹبال کوچ اور مینیجر

    ایولینا بہت کمزور پیدا ہوئی تھیں، لیکن یہ انھیں فٹ بال کوچ اور مینیجر بننے سے نہ روک سکی۔ انھوں نے 27 سال کی عمر میں ارجنٹائن کی وومنز فٹبال ایسوسی ایشن قائم کی۔

  • وینڈی بیئٹریز کائشپال جاکو

    پروفائل تصویر

    ایل سیلواڈورمعذوری کی سرگرم کارکن

    وینڈی کائشپال ایک کاروباری، سرگرم کارکن، موٹیویشنل سپیکر، اور معذور لوگوں اور مسلح لڑائیوں میں بچ جانے والوں کے حقوق کی ترجمان ہیں۔

  • کیرولینا کاسٹرو

    پروفائل تصویر

    ارجنٹائنحکومت

    کیرولینا کاسترو ارجنٹائن انڈسٹریل یونین (یو آئی اے) کی 130 سالہ تاریخ میں پہلی خاتون ہیں جو اس کی کسی گورننگ پوزیشن پر پہنچی ہیں۔ ان کی سرگرمیوں کی وجہ سے اس ملک میں صنفی برابری کے ایجنڈے کو پارٹی کے ایک کنارے سے دوسرے کنارے تک پہنچنانے میں مدد ملی ہے جہاں عوامی بحث انتہائی پولرائزڈ ہوتی ہے۔

  • ایگنیس چاؤ

    پروفائل تصویر

    جمہوریت نواز کارکن

    ایگنیس چاؤ ہانگ کانگ کی ایک 23 سالہ جمہوریت نواز کارکن ہیں، جو 2014 کی امبریلا موومنٹ کے دوران ایک اہم شخصیت بن کر ابھریں۔ اس سال وہ بیجنگ کی طرف سے نافذ کیے گئے سکیورٹی کے متنازعہ نئے قانون کے تحت گرفتار کیے گئے چند کارکنوں میں سے ایک تھیں۔ ان پر ’غیر ملکی طاقتوں کے ساتھ مل کر سازش‘ کا الزام عائد کیا گیا۔

  • پیٹریس کولورز

    پروفائل تصویر

    امریکہانسانی حقوق کی کارکن

    آرٹسٹ، منتظم، معلم اور مشہور مقرر پیٹریس کولرز لاس انجلیز کی رہنے والی بلیک لائیوز میٹر گلوبل نیٹ ورک کی شریک بانی اور ایگزیکیوٹیو ڈائریکٹر اور لاس انجلیز میں قائم تنظیم ڈگنیٹی اینڈ پاور ناؤ کی بانی ہیں۔

  • سیتسی دانگاریمبگا

    پروفائل تصویر

    زمبابوےرائٹر اور فلم میکر

    ستیسی ایک مشہور مصنف، فلم میکر اور ثقافتی کارکن ہیں۔ انھوں نے ایوارڈ یافتہ کتابیں لکھی ہیں جنھیں زمبابوے کی کلاسیکی کتابیں سمجھا جاتا ہے۔ ان کی فلموں کی سکریننگ دنیا بھر کے فلمی میلوں میں ہوئی ہے، جس میں سن ڈانس فیسٹیول بھی شامل ہے۔ وہ ہرارے میں رہتی ہیں اور مقامی افریکی خواتین فلم میکرز کے ساتھ کام کرتی ہیں۔

  • شانی دھندا

    پروفائل تصویر

    برطانیہمعذوری کی کارکن

    شانی دھندا ایک ایوارڈ یافتہ معذورسپیشلسٹ اور سماجی بزنس وومن، جنھیں برطانیہ کے سب سے با اثر معذور افراد میں سے ایک سمجھا جاتا ہے۔ شانی نے ڈائورس ابیلیٹی کارڈ، دی ایشیئن وومن فیسٹیول اور دی ایشیئن ڈس ایبیلیٹی نیٹ ورک کی بنیاد رکھی تھی اور اب بھی انھیں چلا رہی ہیں۔

  • ناؤمی ڈکسن

    پروفائل تصویر

    برطانیہچیف ایگزیکیوٹیو

    ناؤمی نے اپنی پروفیشنل زندگی گھریلو تشدد کی شکار یہودی خواتین اور بچوں کے لیے وقف کر دی ہے۔ وہ یہودی برادری کو تعلیم دیتی ہیں تاکہ اب اور مستقبل میں گھریلو تشدد کو روکنے، اطلاع دینے اور مدد مانگنے کے لیے ان کے پاس آلات موجود ہیں۔

  • کیرن ڈولوا

    پروفائل تصویر

    ناروےموجد

    کیرن ڈولوا اوسلو میں قائم ایک سٹارٹ ’نو آئیسولیشن‘ کی سی ای او اور شریک بانی ہیں جس کی بنیاد اکتوبر 2015 میں رکھی گئی تھی۔ اس کا مشن لوگوں کو ہمدرد ٹیکنالوجی اور علم کے ذریعے اکٹھا کرنا ہے۔

  • الواد المان

    پروفائل تصویر

    صومالیہامن کی کارکن

    الواد ایک نوجوان خاتون رہنما ہیں جو صومالیہ کے امن کے عمل میں پیش پیش ہیں۔ وہ لڑائی کو ختم کروانے اور برادریوں کے درمیان صلح کروانے میں ایک عالمی اتھارٹی سمجھی جاتی ہیں۔

  • جوئنگ یون کی یونگ

    پروفائل تصویر

    جنوبی کوریاکے ڈی سی اے کمشنر

    ڈاکٹر جوئنگ یون کی یونگ کو ’وائرس ہنٹر‘ کہا جاتا ہے اور انھوں نے عالمی وبا کووڈ۔19 کے خلاف جنوبی کوریا کے ردِ عمل کی سربراہی کی تھی۔

  • فینگ فینگ

    پروفائل تصویر

    چینلکھاری

    فینگ فینگ، جن کا اصلی نام وینگ فینگ ہے، چین کی ایک ایوارڈ یافتہ مصنفہ ہیں اور انھوں نے 100 سے زیادہ چیزیں لکھی ہیں۔ اس سال انھوں نے ووہان میں ہونے والے واقعات کو ڈاکیومنٹ کرنا شروع کر دیا، جہاں کورونا وائرس کی وبا سے پہلے پھیلی تھی۔ ان کی ڈائیری نے چین میں اس شہر کے اندر کی ایک سرسری جھلک دکھائی، اور انھوں نے روزانہ کی زندگی کے چیلنجز سے لے کر زبردستی کی تنہائی کے نفسیاتی اثرات تک کے متعلق ہر بات لکھی۔

  • آیلین فلن

    پروفائل تصویر

    جمہوریہ آئرلینڈسینیٹر

    آیلین فلن آئرش خانہ بدوش برادری کی پہلی خاتون ہیں جنھوں نےرپبلک آف آئرلینڈ کے ایوان بالا کی رکنیت حاصل کی ہے۔

  • لارین گارڈنر

    پروفائل تصویر

    امریکہسائنسدان

    لارین گارڈنر جانز ہاپکنز یونیورسٹی میں انجینیئرنگ کی پروفیسر اور سینٹر فار سسٹمز سائنس اینڈ انجینیئرنگ کی شریک ڈائریکٹر ہیں۔

  • جین فونڈا

    پروفائل تصویر

    امریکہاداکارہ

    پردے پر جین فونڈا دو بار اکیڈمی ایوارڈ یافتہ اداکارہ ہیں جنھیں کلٹی، کمنگ ہوم ، آن گولڈن پونڈ اوار نائن ٹو فائیو جیسی فلموں کے لیے سراہا جاتا ہے۔ آج کل وہ اس وقت وہ نیٹ فلکس کی مشہور سیریز گریس اینڈ فرینکی میں نظر آ رہی ہیں۔

  • الیشیا گارزا

    پروفائل تصویر

    امریکہانسانی حقوق کی کارکن

    الیشیا گارزا ایک منتظم، سیاسی حکمت عملی بنانے والی، اور کتاب ’دی پرپز آف پاور: ہاؤ کین وی کم ٹوگیدر وین وی فال اپارٹ‘ کی مصنفہ ہیں۔

  • سارہ گلبرٹ

    پروفائل تصویر

    برطانیہسائنسدان

    جیسے ہی چینی سائنسدانوں نے نئے کورونا وائرس کی تفصیلات شائع کیں، آکسفورڈ میں سارہ اور ان کی ٹیم فوری طور پر کام میں لگ گئی۔ اس کے بعد انھوں نے کووڈ۔19 کی ویکسین بنا لی ہے جو کہ اب کلینیکل ٹرائل کی تیسرے مرحلے پر ہے۔

  • میگی گوبران

    پروفائل تصویر

    مصر

    ماما میگی نے اپنی زندگی مصر میں بے سہارا بچوں کی زندگیاں بدلنے کے لیے وقف کر رکھی ہے۔ عیش و عشرت کی زندگی اور اپنے تعلیمی کریئر کو ترک کر کے انھوں نے اپنی تمام تر توجہ اور وسائل ان بچوں کے لیے، ان کے پاؤں دھونے، ان کی آنکھوں میں دیکھنے اور انھیں یہ بتانے میں لگا دیے ہیں کہ وہ اہمیت رکھتے ہیں۔

  • ریبیکا گیومی

    پروفائل تصویر

    تنزاینہوکیل

    ریبیکا گیومی ایک مقامی فلاحی تنظیم مسیچنا انیشیٹو کی بانی اور ایگزیکٹو ڈائریکٹر ہیں، وہ صنفی برابری کی وکیل ہیں اور قومی اور انتہائی نچلی سطح پر خواتین کے ساتھ کام کرنے اور تحریکوں کا آغاز کرنے کا تجربہ رکھتی ہیں۔

  • دیتا ہیڈمین

    پروفائل تصویر

    جمیکاڈارٹس فاتح

    دیتا نے 22 برس رائل میل میں کام کیا ہے۔ وہ اب تک 215 ٹائٹلز اپنے نام کر چکی ہیں جو اس کھیل میں دوسرا بڑا نمبر ہے۔ ان کو اب تک صرف فل ٹیلر سے شکست ہوئی ہے۔ وہ 314 فائنل مقابلوں میں پہنچ چکی ہیں جو کہ ایک ریکارڈ ہے۔ وہ سنہ 1973 میں انگلینڈ آئیں اور انگلینڈ کی موجودہ قومی ٹیم کی کپتان ہیں۔

  • میویسر عبدالعہد

    پروفائل تصویر

    چین کے علاقے گھلجا سے تعلق رکھنے والی ایک جلا وطن ویغر (اسے چینی زبان میں یننگ کہا جاتا ہے)مصنف

    میویسر عبدالعہد نے، جن کا قلمی نام ہیندن ہے، طب کی تعلیم حاصل کرنے کے دوران ہی بطور شاعر اور مضمون نگار اپنا نام بنانا شروع کر دیا تھا۔ جب تک انھوں نے پبلک ہیلتھ میں اپنی ماسٹرز کی ڈگری مکمل کی، وہ لکھنے پر توجہ مرکوز کرنے کا فیصلہ کر چکی تھیں۔ 2013 میں ترکی منتقل ہونے کے بعد، ہینڈن نے آیہان فاؤنڈیشن قائم کی جو کہ ملک سے باہر رہنے والے ویغروں کو ویغر زبان سکھانے اور اسے فروغ دینے والی ایک تنظیم تھی۔ وہ اب استنبول میں رہتی ہیں۔

  • اویایدو ایکپے ایتم

    پروفائل تصویر

    نائجیریاسلم ساز

    اویایدو ہم جنس پرست، حقوس نسواں کی علمبردار، فلم ساز، ڈائریکٹر اور ایل جی بی ٹی کے حقوق کے لیے کام کرتی ہیں۔ انھوں نے نائجیریا میں محرومیوں کے شکار طبقے کے لیے بہت سی کہانیوں پر کام کیا ہے۔

  • میہو عمادہ

    پروفائل تصویر

    جاپان

    ساکے (جاپانی شراب) تیار کرنا روایتی طور پر مردوں کا پیشہ رہا ہے اور ساکے بنانے والے مقامات پر خواتین کو جانے کی اجازت نہیں تھی۔

  • نادین کادان

    پروفائل تصویر

    فرانسمصنف/مصور

    فرانسیسی نژاد شامی مصنفہ نادین کادان آٹھ برس کی عمر سے کہانیاں لکھ رہی ہیں۔ انھوں نے بڑے ہوتے ہوئے جو کتابیں پڑھیں ان میں نمائندگی کی سطح سے غیر مطمئن ہو کر انھوں نے ایسی کہانیاں لکھنے کے مشن کا آغاز کیا جس میں ہر بچہ اپنے آپ کو دیکھ سکے۔

  • ایریکا بیکر

    پروفائل تصویر

    جرمنیانجینیئر

    ایریکا ’گٹ ہب‘ نامی کمہپنی میں بطور انجینیئرنگ ڈائریکٹر کا م کرتی ہیں۔ ان کا کیریئر 19 برس پہلے شروع ہوا جب وہ یونیورسٹی آف الاسکا کے لیے کمپیوٹر کی دیکھ بال کا کام کرتی تھی۔ پھر سنہ 2006 میں انھوں نے گوگل میں ملازمت پائی۔

  • مولینگا کپویپوی

    پروفائل تصویر

    زیمبیافنکار

    مولینگا مپونڈا کپویپوی نے سنہ 2020 میں زیمبائی خواتین کی تاریخ کے ایک میوزیم کی بنیاد رکھی جس کا مقصد زیمبائی خواتین کا اپنی قوم کے لیے کام اور تعاون کو یادگار بنانا تھا۔ انھوں نے زیمبیا کے دارالحکومت لوساکا میں بچوں کی لائبریریاں بھی تعمیر کی ہیں۔

  • ڈاکٹر جیمیمہ کریوکی

    پروفائل تصویر

    کینیاڈاکٹر

    ڈاکٹر جیمیمہ زندگی بچنے والی ادویات اور خاص طور پر زچگی اور بچوں کی صحت سے متعلق ادویات کے حوالے سے کام کر رہی ہیں۔ وہ کینیا کے پیس کلب کی بانی ہیں جو 2007 میں انتخابت کے بعد ہونے والی خونریزی کے جواب میں وجود میں آیا۔ اس کے علاوہ بچہ دانی کے سرطان کے حوالے سے آگاہی فراہم کرنے والے پبلک ہیلتھ کلب کی بنیاد بھی انھوں نے ہی رکھی۔

  • جیکی کے

    پروفائل تصویر

    سکاٹ لینڈ، برطانیہشاعرہ

    جیکی کے کا تعلق سکاٹ لینڈ سے ہے اور وہ ایک شاعرہ، ڈرامہ نگار اور ناول نگار ہیں۔ سنہ 2016 میں انھیں سکاٹ لینڈ کی قومی شاعر قرار دیا گیا۔ ان کی آپ بیتی ’ریڈ ڈسٹ روڈ‘ میں وہ اپنے حقیقی والدین کی تلاش کی روداد بیان کرتی ہیں۔

  • سلسبیلا خیرالنسا

    پروفائل تصویر

    انڈونیشیاماحولیاتی مہم چلانے والی

    سلسبیلا 17 برس کی ایک طالب علم ہیں جن کا تعلق انڈونیشیا کے شہر جکارتہ سے ہے۔ ہر جمعے کے روز وہ وزارت ماحولیات اور جنگلات کے دفتر کے سامنے جنگلات کی کٹائی کے حوالے سے ایک احتجاج کی قیادت کرتی ہیں۔

  • اینجیلیق کڈجو

    پروفائل تصویر

    بینینموسیقار

    چار بار گریمی ایوراڈ جیتنے والی اینجیلیق کڈکو عالمِ موسیقی کے عظیم ترین ناموں میں سے ایک ہیں۔انھوں نے مغربی افریقی موسیقی کو مغربی موسیقی کی مختلف قسموں جیسے جاز، آر اینڈ بی اور فنک کے ساتھ ڈھالا ہے اور ساتھ ساتھ ان میں یورپی اور لاطینی موسیقی کی بھی جھلک شامل کی ہے۔

  • چو کم دک

    پروفائل تصویر

    ویتنامماہر تعمیرات

    ماہر تعمیرات کم دک اپنے ملک ویتنام میں بچوں کو کھیلنا کا حق ملنے کی مہم پر کام کر رہی ہیں۔ تھنک پلے گراؤنڈز نامی تنظیم کی بانی کم دک اپنے ملک میں مختلف کمینوٹیز کے ساتھ 180 سے زیادہ عوامی پلے گراؤنڈز تیار کر رہی ہیں جنھیں بنانے میں ری سائیکل سامان استعمال ہوا ہے۔

  • اشتر لاکھانی

    پروفائل تصویر

    جنوبی افریقہسماجی کارکن

    اشتر ایک فیمینسٹ اور سماجی کارکن ہیں اور خود کو ’مشکل پیدا کرنے والا‘ کہتی ہیں۔ وہ جنوبی افریقہ میں مقیم ہیں جہاں وہ انسانی اور سماجی حقوق کی تنظیموں اور تحریکوں کے ساتھ کام کرتی ہیں اور انسانی حقوق کے سلسلے میں ان کے پیغام اور اقدامات کو موثر بنانے میں مدد کرتی ہیں۔

  • کلاڈیا لوپیز

    پروفائل تصویر

    کولمبیامئیر

    کلاڈیا لوپیز کولمبیا کے دارالحکومت اور سب سے بڑے شہر بوگوٹا کی پہلی خاتون مئیر ہیں۔

  • جوسینا میشل

    پروفائل تصویر

    موزمبیقسماجی کارکن

    جوسینا میشل بڑے طویل عرصے سے انسانی حقوق کے دفاع کے لیے کام کر رہی ہیں۔ وہ خواتین کے حقوق کے بارے میں بہت دلچسپی رکھتی ہیں اور اسے اپنی زندگی کا مقصد کہتی ہیں۔

  • صنا مارِن

    پروفائل تصویر

    فن لینڈفن لینڈ کی وزیر اعظم

    صنا مارن فن لینڈ کی وزیر اعظم ہیں اور ملک کی سوشل ڈیموکریٹک پارٹی کی رہنما ہیں۔ جس اتحادی حکومت کی وہ سربراہ ہیں اس میں دیگر چار جماعتوں کا اتحاد ہے اور ان چاروں جماعتوں کی رہنما خواتین ہیں۔ ماریہ اوہیسالو (گرین لیگ) لی انڈیرسن (لیفٹ الائنس)، اینا ماجا ہینرکسکن (سوئڈیش پیپلز پارٹی) اور اینا ساریکو (سینٹر پارٹی)

  • بولیلوا مکوٹوکانا

    پروفائل تصویر

    جنوبی افریقہگلوکارہ

    بولیلوا مکوٹوکانا اپنے ایک اور نام زاہارا سے مقبول ہیں۔ متوسط طبقے سے تعلق رکھنے والی زاہارا نے سکول میں گانا شروع کیا اور اس کے بعد ’بسکنگ‘ کا پیشہ اختیار کیا جس میں لوگ سڑکوں پر گانے گا کر اپنی روزی کماتے ہیں۔ لیکن جب 2011 میں انھوں نے اپنا پہلا البم جاری کیا تو وہ انتہائی مقبول ہوا اور تین ہفتوں میں ’ڈبل پلاٹینم‘ حاصل کر گیا۔

  • لوسی موناہان

    پروفائل تصویر

    شمالی آئرلینڈسماجی کارکن

    لوسی موناہان نے اس سال بطور ریپ متاثرہ اپنی شناخت ظاہر کرنے پر آمادگی ظاہر کر لی تاکہ وہ اس اس بارے میں بات کر سکیں کہ شمالی آئرلینڈ میں پولیس اور حکام نے ان کے ساتھ کیسے سلوک کیا جب انھوں نے اپنے ساتھ ہونے والے واقعے کی رپورٹ کی۔ پولیس نے شروع میں ان کو بولا کہ وہ ’فلرٹ‘ کر رہی ہیں اور ان کے کیس میں کسی کو مورد الزام نہیں ٹھیرایا جائے گا۔

  • ڈوس نمویزی نلبامبا

    پروفائل تصویر

    ڈیموکریٹک رپبلک آف کانگوصحافی

    داؤس نامویزی نلبامبا ڈی آر کانگو میں ایک صحافی ہیں اور اویزو افریکا نامی تنظیم کی بانی ہیں جس کا مقصد ہے کہ ملک میں صحافت اور ترببیت کی مدد سے خواتین کے حقوق پر کام کیا جائے اور انھیں آگے بڑھنے کے مواقعے دیے جائیں۔

  • ونیسا ناکاتے

    پروفائل تصویر

    یوگانڈاماحولیاتی کارکن

    23 سالہ ونیسا ناکاتے یوگانڈا میں ماحولیاتی تبدیلی کے حوالے سے ایک کارکن ہیں اور رائز اپ تحریک کی بانی ہیں۔ وہ بین الاقوامی طور پر مہم چلاتی ہیں جس کا مقصد ہوتا ہے کہ کس طرح ماحولیاتی تبدیلی افریقی ممالک پر اثر انداز ہو رہی ہے۔ ان کی خصوصی توجہ اس بات پر ہے کہ کس طرح ماحولیاتی تبدیلی غربت، جنگ و جدل اور جنسی تفریق میں اضافہ کر رہی ہے۔

  • ڈاکٹر ایتھلریڈا ناکملی مپنگو

    پروفائل تصویر

    یوگانڈاماہر ذہنی صحت

    ڈاکٹر ایتلریڈا نکیمولی-مپنگو یوگانڈا کی ماکرےرے یونی ورسٹی میں کام کرتی ہیں جہاں وہ معاشرے میں تھیراپی کے استعمال کو عام کرنے کے لیے کوشاں ہیں تاکہ بالخصوص وہ لوگ جو ڈیپریشن اور ایڈز کے مرض کا شکار ہوں وہ اس کو استعمال کریں۔

  • نندار

    پروفائل تصویر

    میانمارفیمینسٹ سماجی کارکن

    نندار فیمینیسٹ وکیل، مترجم، قصہ گو اور دو پوڈ کاسٹ کی بانی ہیں جن کے نام فیمینسٹ ٹاک اور جی ٹاؤ زگر وئین ہے۔ انھوں نے پرپل فیمینسٹ کے نام سے گروپ قائم کیا ہے اور وجینا مونولوگ نامی سٹیج شو کو ڈائریکٹ کیا ہے۔

  • ورنیٹا موبرلی

    پروفائل تصویر

    امریکہماحولیاتی کارکن

    ورنیٹا موبرلی ایک ماں، ایک بیوی، ایک نانی اور ایک دوست ہیں۔ سالوں سے اپنے بڑوں کی مدد سے جمع کی ہوئی معلومات کی روشنی میں انھوں نے وہی معلومات اور طریقے اپنے انیوپیات قبیلے کی اگلی نسل تک پہنچائے ہیں۔ ان کا مقصد حیات ہے کہ وہ زمین کا تحفظ کر سکیں۔

  • نیمونٹے نین قئمو

    پروفائل تصویر

    ایکواڈورواؤرانی رہنما

    نیمونٹے نین قئمو ایکواڈور کے قبیلے واؤرانی سے ہیں اور ان کا مشن ہے کہ اپنے آباؤ اجداد کی زمین اور اس کی ثقافت اور ایمازون کے جنگلات میں بسنے والی زندگی کا تحفظ کریں۔

  • فیلس اومیڈو

    پروفائل تصویر

    کینیاماحولیاتی کارکن

    فیلس اومیڈو سینٹر فار جسٹس گورننس اینڈ اینوائرنمینٹل ایکشن کی بانی ہیں۔ وہ اس تنظیم کے ساتھ کینیا کے غریب طبقے کے ماحولیاتی اور سماجی اور معاشی حقوق کے لیے آواز اٹھاتی ہیں۔ 2015 میں انھیں ماحولیات کا ایک عالمی اعزاز ملا جس گرین نوبیل بھی کہا جاتا ہے۔ اس اعزاز کی وجہ بنی تھی فیلس کا وہ کارنامہ جس میں انھوں نے ملک کے حصے اوئیونو اہورو میں تانبہ پگھلانے کی فیکٹری کو بند کروایا۔

  • ردھیما پانڈے

    پروفائل تصویر

    انڈیاماحولیاتی کارکن

    ردھیما پانڈے انڈیا سے تعلق رکھنے والی ایک ماحولیاتی کارکن ہیں جنھوں نے نو برس کی عمر میں حکومتِ انڈیا کے خلاف ایک پٹیشن درج کی تھی تاکہ وہ ماحولیاتی تبدیلی کے خلاف اپنی سست روی کوختم کریں۔ 2019 میں مزید 15 بچوں کے ہمراہ جنھوں نے یہ پٹیشن دائر کی تھی، ردھیما نے پانچ ممالک کے خلاف اب اقوام متحدہ میں ایک اپیل فائل کی ہے۔

  • لورنا پرینڈرگاسٹ

    پروفائل تصویر

    آسٹریلیامحقق ڈیمینشیا

    سنہ 2019 میں لورنا نے اس وقت شہ سرخیوں میں جگہ بنائی جب انھوں نے میلبورن یونیورسٹی سے 90 برس کی عمر میں اپنی ڈگری مکمل کی۔ انھوں نے اپنی ڈگری اپنے مرحوم شوہر، جن کے ساتھ انھوں نے زندگی کے 64 برس گزارے، اور ڈیمینشیا کے مریضوں کے نام کی۔

  • اوکسانا پشکینا

    پروفائل تصویر

    روسریاست ڈوما کی ڈپٹی

    اوکسانا پشکینا روسی ریاست ڈوما میں خاندان، خواتین اور بچوں کے سمائل کی کمیٹی کی ڈپٹی وائس چیئر ہیں۔

  • سیبیلے ریسی

    پروفائل تصویر

    برازیلمعلمہ

    سیبیلے ایک ریٹائرڈ ہیڈ ٹیچر ہیں جنھوں نے ساؤ پالو میں پرائمری سکول کے بچوں کے لیے نسلی مساوات کی تعلیم کا آغاز کیا۔

  • سوزینا رفالی

    پروفائل تصویر

    وینزویلاماہر غذائیت

    سوزینا ایک انسان دوست کارکن ہیں جنھوں نے 22 برس دنیا بھر میں ہنگامی حالات میں کام کیا ہے۔ انھوں نے کریٹاس ڈی وینزویلا کو ایک ایسا آلہ تیار کرنے میں مدد فراہم کی جس سے یہ ظاہر ہوتا ہے کہ وینزویلا میں جب اس بحران کو ماننے سے انکار کیا جا رہا تھا، اس وقت وہاں بچے انسانیت سوز بحران سے گزر رہے تھے۔ سوزینا نے جھونپڑیوں میں رہنے والے بچوں کے لیے غذائی امداد فراہم کرنے والے مراکز کا ایک نیٹ ورک بھی قائم کیا ہے۔

  • رتھ شیڈی

    پروفائل تصویر

    پیروماہر آثار قدیمہ

    رتھ شیڈی نے آثار قدیمہ اور علم بشریات میں ڈاکٹریٹ کی ڈگری حاصل کی ہے اور سان مارکوس کی نیشنل یونی ورسٹی کے شعبہ سوشل سائنس سے منسلک ہیں۔ وہ کارال آثار قدیمہ کے منصوبے پر تحقیق کرنے والے ادارے کی ڈائریکٹر ہیں جسے بر اعظم امریکہ میں سب سے پرانی تہذیب سمجھا جاتا ہے۔ سنہ 2018 میں انھیں لورئیل یونیسکو کا وومن ان سائنس کا اعزاز بھی ملا اور اس کے علاوہ انھیں اپنے ملک پیرو کی کانگریس سے میڈل آف آنر بھی ملا ہے۔

  • پاردیس سابیتی

    پروفائل تصویر

    ایرانکمپیوٹیشنل جینیٹسٹ

    پاردیس سابیتی ہارورڈ یونیورسٹی، دی بورڈ انسٹیٹیوٹ آف ایم آئی ٹی اینڈ ہارورڈ اور ہوورڈ ہیوز میڈیکل انسٹیٹیوٹ میں پروفیسر ہیں۔ انھوں نے ہیومن اینڈ مائیکروبیئل جنیومکس، انفارمیشن تھیوری، اور دیہی متعدی بیماریوں کی نگرانی اور مغربی افریقہ میں تعلیم کی کوششوں پر کام کیا ہے۔

  • پانوسایا ستھیجراواتناکو

    پروفائل تصویر

    تھائی لینڈطالب علم سماجی کارکن

    اس سال تھائی لینڈ میں بڑی تعداد میں جمہوریت پسند مظاہروں کا سلسلہ جاری رہا اور اس میں 22 سالہ پانوسایا جیسی کئی طلبہ کا مرکزی کردار تھا۔ انھیں اور کئی اور سماجی کارکنان کو ان مظاہروں میں شرکت کرنے پر حراست میں لے لیا گیا لیکن بعد میں ان سب کی ضمانت پر رہائی بھی ہو گئی۔

  • کیتھی سلیوین

    پروفائل تصویر

    امریکہسائنسدان، خلا باز

    کیتھی سلیوین ایک خلاباز اور سائنسدان ہیں اور ایک مصنفہ بھی ہیں۔وہ ان پہلی چھ خواتین کی فہرست میں شامل ہیں جنھوں نے 1978 میں ناسا کے خلابازی کے پروگرام میں شمولیت اختیار کی تھی اور وہ پہلی امریکی خاتون ہیں جنھوں نے خلا میں ’سپیس واک‘ کی تھی۔

  • لیا ٹی

    پروفائل تصویر

    برازیلٹرانس جینڈر ماڈل

    ماڈلنگ کرنے والوں میں سے اکثریت یہ نہیں کہہ سکتی کہ ان کی پہلی نوکری گیونچی کے لیے تھی لیکن یہ اعزاز ملا لیا ٹی کو۔ وہ ماڈلنگ کے شعبے میں دس سال سے کام کر رہی ہیں اور کئی معتبر جریدوں جیسے میری کلئیر، گرازیا اور ووگ میں ان کی تصاویر شائع ہو چکی ہیں۔

  • انا تیجوکس

    پروفائل تصویر

    فرانسموسیقار

    انا تیجوکس لاطینی امریکی ملک چلی سے تعلق رکھنے والی ایک ہپ ہاپ موسیقار ہیں۔ وہ ایک فیمینسٹ ہیں اور اپنے گانوں کے بول میں وہ سماجی اور ثقافتی تفریق کے بارے میں ذکر کرتی ہیں۔ ان کے والدین چلی کے آمر آگسٹو پینوشے کے دور میں ملک چھوڑ گئے اور اس بات نے ان پر بہت گہرا اثر کیا جس کی وجہ سے وہ سماجی اور سیاسی معاملات کے بارے میں بہت حساس ہیں۔ 2014 میں انھوں نے خواتین کے ساتھ ہونے والے مظالم کو اپنی البم وینگو میں شامل گانے ’اینٹی پیٹریارک‘ میں اجاگر کیا۔ انا ٹیجوکس دنیا بھر میں عدم مساوات اور ظلم و جبر کے خلاف مظاہروں میں شرکت کرتی ہیں۔

  • اپل تومیتی

    پروفائل تصویر

    امریکہانسانی حقوق کی کارکن

    > اپل تومیتی انسانی حقوق کی ایک ایوارڈ یافتہ محافظ ہیں اور بلیک لائیو میٹرز کی تین خواتین شریک بانیوں میں سے ایک ہیں۔ وہ نیو میڈیا اور ایڈوکیسی ہب ’ڈائیاسپورا رائزنگ‘ کی بانی بھی ہیں۔

  • سویٹلانا تخانووسکایا

    پروفائل تصویر

    بیلا روسسیاستدان

    سویٹلانا تخانووسکایا بیلاروس میں سابق صدارتی امیدوار ہیں جہاں انھوں نے ملک میں جمہوری نظام کے حق میں تحریک کی قیادت کی۔ اگست 2020 میں صدر الیگزانڈر لوکاشنکو نے واضح اکثریت کے ساتھ انتخاب میں کامیابی حاصل کی جس کے بعد ملک میں انتخابات میں مبینہ دھاندلی کے بعد مظاہروں کا سلسلہ شروع ہو گیا۔

  • یولیا سویٹکووا

    پروفائل تصویر

    روسسماجی کارکن

    یولیا سویٹکووا روس کے انتہائی مشرقی علاقے میں ایک صنعتی قصبے میں پیدا ہوئی جہاں انھوں نے آرٹ او رقص اور ڈائیرکٹنگ کی تعلیم حاصل کی۔ اس کے بعد انھوں نے اپنے تھیٹر سے سماجی کام کرنا شروع کیا اور خواتین کے حقوق کے بارے میں اور ایل جی بی ٹی کیو، ماحولیات اور جنگ مخالفت کے موضوعات پر آواز اٹھائی۔

  • عروسی اوندا

    پروفائل تصویر

    میکسیکوسماجی کارکن

    جہاں میکسیکو میں ایک جانب خواتین کے قتل کے واقعات میں اضافہ ہو رہا ہے، عروسی اور ان کی فیمینسٹ تنظیم بروجاس ڈیل مار وہاں خواتین کی آواز بن کر سامنے آئی ہیں۔

  • اناستازیا وولکوا

    پروفائل تصویر

    یوکرینکاروباری شخصیت

    ڈاکٹر اناستازیا وولکوا ایک کاروباری شخصیات اور کھیتی باڑی کے شعبے میں جدت لانے کا کام کرتی ہیں اور اس سلسلے میں وہ غذائی قلت کے مسائل کو حل کرنے کی کوشش کرتی ہیں۔

  • کوچاکورن ووراخوم

    پروفائل تصویر

    تھائی لینڈلینڈسکیپ آرکیٹیکٹ

    کوچاکورن ووراخوم خود کو ’تھائی لینڈ کی ایک سخت جان لینڈ سکیپ آرکیٹیکٹ‘ کہتی ہیں۔ انھوں نے اپنے کام کا آغاز وسیع و عریض بینکاک شہر کے پرانے اور بوسیدہ نظارے کو نئے اور جدت پسند نظریات سے بدلنے کے مقصد کے ساتھ شروع کیا۔

  • سیکوسی ولز

    پروفائل تصویر

    برطانیہسائنسدان
  • الین ولیمز

    پروفائل تصویر

    ویلز، برطانیہڈس ایبیلیٹی بلاگر

    ایلن ایک لکھاری اور معذور افراد کے لیے آواز اٹھانے والی خاتون ہیں، جو 16 سال کی عمر سے ہی اپنے بلاگ ’مائے بلرڈ وژن‘ میں مائے ایلجک اینسیفالومیلاییٹس (ایم ای) اور ریٹی نائٹس پگمینٹوسا (آنکھ کی ایک بیماری) جیسی بیماریوں کے متعلق اپنے تجربات لکھ رہی ہیں۔

  • ایلس وونگ

    پروفائل تصویر

    امریکہ

    ایلس ڈس ایبیلیٹی وزیبیلیٹی پراجیکٹ کی بانی ہیں، یہ معذور لوگوں کے لیے نچلی سطح کی ایک مہم ہے جس میں ان کی حوصلہ افزائی کی جاتی ہے کہ وہ اپنے کہانیاں ریکارڈ کریں۔

  • لیو یی سن

    پروفائل تصویر

    سنگاپورڈاکٹر

    ڈاکٹر لیو یی سن سنگاپور کا سٹیٹ آف دی آرٹ نیشنل سینٹر فار انفیکشیئس ڈیزیز چلاتی ہیں، جو قابل ترسیل امراض کی وبا سے نمٹنے کا ذمہ دار ہے۔

  • مشیل یوہ

    پروفائل تصویر

    ملائیشیااداکارہ

    مشیل یوہ نے ہانگ کانگ کی مارشل آرٹس کی فلموں میں جو عموماً مردوں کی دنیا ہے، اپنے سٹنٹس خود کر کے اداکاری کی دنیا میں قدم رکھا۔ وہ بطور بانڈ گرل ہالی وڈ منتقل ہو گئی (انھوں نے ٹومورو نیور ڈائیز میں کام کیا) اور وہ ایشیا کی ان چند خواتین اداکاروں میں سے ایک ہیں جنھوں نے امریکہ میں ایک لمبا اور کامیاب کیریئر گذارا ہے۔

  • گلناز زوزبايفا

    پروفائل تصویر

    کرغستان

    کرغزستان میں 5000 سے زیادہ لوگ بصری خرابی کے مریض ہیں، لیکن بہت زیادہ سرکاری دستاویز ان کی پہنچ سے باہر ہیں۔ گلناز زوزبايفا جو کہ کرغز فیڈریشن آف دی بلائنڈ کی بانی ہیں، بڑی جانفشانی سے اس کام میں لگی ہوئی ہیں کہ بصری خرابی کے شکار افراد کو یہ مواد بریل میں دستیاب ہو اور اس تک ان کی رسائی ہو۔

بی بی سی #100Women کی ٹیم نے ورلڈ سروس ٹیموں کے تجویز کاردہ ناموں اور اپنی تحقیق کی بنیاد پر ایک مختصر فہرست تیار کی۔ ہم ایسی خواتین کی تلاش میں تھے جنھوں نے گذشتہ 12 ماہ کے دوران شہہ سرخیوں میں جگہ بنائی یا با اثر کردار ادا کیا، یا جن کی کہانیاں متاثر کن ہیں، یا وہ جنھوں نے کوئی انتہائی اہم مقام حاصل کیا یا انھوں نے اپنے معاشروں کو ایسے طریقوں سے متاثر کیا جو ضروری نہیں کہ خبریں میں جگہ بنا پائیں۔

حتمی ناموں کا انتخاب کرنے سے قبل، جمع کیے گئے تمام ناموں کا تخمینہ، اس سال کے تھیم (مرکزی خیال) یعنی ایسی خواتین جو اپنے اپنے خطوں میں تبدیلی لانے کا باعث بنیں، کے حساب سے لگایا گیا۔

بشکریہ ۔۔۔ بی بی سی

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button